Në Gllogoc pas një mosmarrëveshje një person ka rrahur një familjare të tij, ku gjatë kontrollit në shtëpinë e tij i është gjetur dhe konfiskuar një armë gjuetie dhe një revole.
I dyshuari është dërguar në mbajtje.
“Gllogoc 01.08.2022 – 20:00. Është arrestuar i dyshuari mashkull kosovar pasi që i njëjti pas një mosmarrëveshje kishte sulmuar fizikisht viktimën femër kosovare. Gjatë kontrollit në shtëpinë e të dyshuarit janë gjetur dhe konfiskuar: një armë gjuetie dhe një revole për të cilat i dyshuari nuk posedonte leje. Me vendim të prokurorit i njëjti është dërguar në mbajtje”, thuhet në raport.
E në Prishtinë, është arrestuar një person i cili i kishte dëmtuar një dokument viktimës, raporton teve1.info
“Prishtinë 02.08.2022 – 15:30. Është arrestuar i dyshuari mashkull kosovar pasi që i njëjti ia kishte dëmtuar një dokument viktimës mashkull kosovar. Lidhur me rastin është konsultuar prokurori i cili ka rekomanduar që pas intervistimit i dyshuar të lirohet dhe rasti të procedohet në procedurë të rregullt”, thuhet në raport.
Po ashtu në kryeqytet është arrestuar edhe një person tjetër, pasi që i njëjti ka rrahur një grua.
“Rr. Adriana Abdullahu 02.08.2022 – 15:27. Është arrestuar i dyshuari mashkull kosovar pasi që i njëjti kishte sulmuar fizikisht viktimën femër kosovare. Me vendim të prokurorit i dyshuari është dërguar në mbajtje. Rasti nën hetime”, ka bërë të ditur Policia.
Ndërsa në Prizren, një person ka rrahur një tjetër, ku viktima ka pranuar edhe tretman mjekësor.
I njëjti është arrestuar.
“Prizren 02.08.2022 – 11:29. Është arrestuar i dyshuari mashkull kosovar pasi i njëjti ka sulmuar fizikisht një person. Lidhur me rastin viktima është dërguar për tretman mjekësor ndërsa i dyshuari me vendim të prokurorit është dërguar në mbajtje”, thuhet në raport.
Edhe në Malishevë, ka ndodhur një rast i dhunës në familje, ku një person pas një mosmarrëveshje ka rrahur një familjare të cilës i është ofruar edhe tretmanë mjekësor, shkruan teve1.info
I dyshuari është arrestuar e më pas është liruar.
“Malishevë 02.08.2022 – 21:00. Është arrestuar i dyshuari mashkull kosovar pasi që ka sulmuar fizikisht viktimën femër kosovare. Viktimës i është ofruar trajtim mjekësor. Lidhur me rastin është konsultuar prokurori i shtetit i cili ka rekomanduar që i dyshuari të lirohet dhe rasti të procedohet në procedurë të rregullt”, thuhet në raport.
Ndërkaq në Skenderaj një person ka rrahur një familjare të tij, e cila ka pranuar tretman mjekësor.
I dyshuari është dërguar në mbajtje.
“Skenderaj 01.08.2022-23:35 Është arrestuar i dyshuari mashkull kosovar pasi i njëjti kishte sulmuar fizikisht viktimën femër kosovare të cilës i është ofruar tretman mjekësor. Me vendim të prokurorit i dyshuari është dërguar në mbajtje. Rasti nën hetime”, thuhet në raport.
E në Zveçan një person ka shkaktuar dhunë ndaj dy familjareve të tij të cilat edhe i ka kanosur.
“Zveçan 02.08.2022 – 10:10. Është raportuar se i dyshuari mashkull kosovar ka shkaktuar dhunë ndaj dy viktimave kosovarë si dhe i ka kanosur ata. Me vendim të prokurorit rasti vazhdon në procedurë të rregullt”, thuhet në raport.
E në Mitrovicë është arrestuar një grua.
E njëjta nën ndikim të alkoolit dhe substancave narkotike ka rrahur një grua tjetër dhe një mashkull.
Policia ka bërë të ditur se e dyshuara është dërguar në mbajtje.
“Mitrovicë Veri 02.08.2022 – 18:00. Është arrestuar e dyshuara femër kosovare pasi e njëjta nën ndikim të alkoolit dhe substancave narkotike ka sulmuar fizikisht viktimat, një femër dhe një mashkull kosovarë. Lidhur me rastin është kontaktuar prokurori i shtetit i cili ka urdhëruar që e dyshuara të dërgohet ne mbajtje prej 48 orë”, thuhet në raportin 24 orësh./teve1.info/
