Të paktën tetë persona, përfshirë tre fëmijë, kanë vdekur nga uria në 24-orët e fundit në Gaza, duke e çuar numrin e përgjithshëm të vdekjeve të lidhura me urinë në 235, përfshirë 106 fëmijë, tha Ministria e Shëndetësisë, citon Al Jazeera.
Në të njëjtën periudhë, të paktën 123 palestinezë, përfshirë 21 kërkues ndihmash, janë vrarë dhe 437 të plagosur në sulmet izraelite në të gjithë Gazën brenda 24 orëve, sipas Ministrisë së Shëndetësisë së enklavës.
Lufta e Izraelit në Gaza ka vrarë gjithsej 61,722 palestinezë dhe ka plagosur 154,525 që nga 7 tetori 2023, shtoi ministria.
Numri i përgjithshëm i kërkuesve të ndihmës të vrarë që nga 27 maji, kur Izraeli prezantoi një mekanizëm të ri shpërndarjeje të ndihmës përmes GHF me seli në SHBA, ka arritur në 1,859, me më shumë se 13,594 të plagosur, thuhet në deklaratë.
