U nis për herë të tretë. Me shpresë që kësaj radhe do të arrihet përfundimi i saj.
Banorët e fshatit Bajçinë ishin në hall të madh nga nëntori i vitit të kaluar kur vërshimet dëmtuan urën kryesore të fshatit, ku u bllokua edhe kalimi për në fshatin Letanc.
Dy herë u tentua të rregullohet që nga ajo kohë, por vërshimet e tjera të kohë pas kohshme e demolonin sërish.
Por kësaj radhe synohet që i gjithë projekti të përfundojë në dy javët e ardhshme.
Pronari i kompanisë përveç zotimit, bënë edhe një kërkim falje.
E nga Komuna e Podujevës thonë se kjo nuk është ura e vetme që do të ndërtohet pas demolimeve që u shkaktuan nga vërshimet.
“Ka filluar ndërtimi i urës në fshatin Bajçinë, e cila ishte rrënuar muaj më parë nga vërshimet që kishin kapluar këtë fshat. Ndërtimi i kësaj ure dhe urave në fshatin Gllamnik dhe Sfeçël po bëhet përmes një memorandumi të bashkëpunimit që kemi nënshkruar si Komunë vitin e kaluar me Ministrinë e Zhvillimit Rajonal, ku të dyja palët financojmë për realizimin e këtij projekti”, bëri të ditur zëdhënësi i komunës së Podujevës, Fahri Zhitia.
Derisa, banorët ani se nuk pranojnë të flasim para kamerave, shpresojnë që problemi i tyre të zgjidhet njëherë e përgjithmonë.
Kronika e realizuar nga gazetari Arton Rama
