Tërnava i cili gjendej në ambientet e Bashkësisë Islame, tha për tëvë1 se në dy vitet e fundit gjatë muajit të Ramazanit kanë qenë të imponuar nga pandemia të mos gjallërojnë aq sa duhet në xhamitë e vendit tonë, ku në fakt janë ndaluar edhe aktivitetet e përditshme.
Mirëpo, sipas tij përsëri ishte muaj i përkushtimit dhe i devotshmërisë.
“Së pari më lejoni që t’i uroj të gjithë besimtarët e besimit islam në Kosovë dhe brenda trojeve tona etnike shqiptare, mirëpo edhe mërgatën e largët. Ishte një muaj plot gjallëri, ishte një muaj i përkushtimit, i devotshmërisë, sinqeritetit, i ndihmës dhe solidaritetit. Sigurisht që dy vitet e kaluara nuk e patëm fatin për shkak të pandemisë që të gjallërojmë aq sa duhet në shtëpitë e Zotit, pra në xhamitë tona, dhe të merremi me aktivitete të përditshme në raport me gjallërinë e Zotit, kumtimin e fjalës së tij, si dhe shpjegimin e saj te masa e gjerë e popullit. Mirëpo vepruam në ato kushte të cilat na kanë imponuar nga vetë ai virus shkatërrues i cili mori jeta të shumta anë e mbanë globit”, tha Myftiu në emisionin “Kandili” në Tëvë1.
Gjithashtu, Tërnava shtoi se këtë vit muaji i Ramazanit është krejtësisht ndryshe në krahasim me dy vitet e kaluara.
Njëkohësisht, përmendi edhe aktivitetet e përgjithshme që janë kryer në bashkëpunim me të gjithë Këshillat e Bashkësive Islame, duke përfshirë këtu edhe mbi 60 muhalime gra në Departamentin e Gruas.
“Falënderojmë Zotin që tashmë këtë vit ishte një gjendje krejtësisht tjetër, dhe Bashkësia Islame e Kosovës me tërë kuadrin e saj që posedon si këtu në qendër, ashtu edhe në të gjithë Këshillat e Bashkësive Islame, nëpër të gjitha xhamitë tona, Fakultetin e Studimeve Islame, ne medresetë tona, ishin në aktivitet të vazhdueshëm duke përfshirë këtu mbi 60 muhalime gra në Departamentin e Gruas, pra ishin aktivitete të përgjithshme, ishin me xhematin, ishin me fëmijët, ishin në përfundimin e detyrës dhe obligimin që kanë marrë nga i madhi Zot”, tha tutje ai.
