KEDS ka njoftuar për ndërprerje të planifikuara të energjisë elektrike gjatë ditës së enjte në disa zona të Ferizaj dhe Gjilan, për shkak të punimeve të domosdoshme në rrjet.
Në Ferizaj, nga TS 110/35/10 kV Ferizaj 1 (Bibaj), ndërprerja do të zgjasë nga ora 12:00 deri në 16:00, duke përfshirë një numër të madh rrugësh dhe fshatrash si Bibaj, Varoshi, Sojeva, Dardania, Gërlica, Komogllava, Sazlia, Rahovica dhe zona të tjera përreth. Arsyeja e ndërprerjes është vendosja e kabllove të tensionit të mesëm.
Ndërkaq, në Gjilan, nga NS 35/10 kV Lladovë, dalja 10kV J13 Pasjan do të jetë jashtë funksionit nga ora 11:00 deri në 14:00. Pa energji elektrike do të mbesin fshatrat Llashticë, Pasjan, Burinc dhe Muqi Baba.
Sipas njoftimit, ndërprerja në këtë zonë bëhet për shkak të demontimit të një transformatori.
