Ndërmarrja Publike “Termokos” SH.A. ka njoftuar se ka finalizuar përgatitjet për fillimin e furnizimit me ngrohje në Klinikën Universitare të Kosovës (QKUK), si pasojë e përkeqësimit të motit.
Sipas njoftimit, në Facebook, aktualisht po kryhen testimet përfundimtare të rrjetit dhe të gjithë sistemit të ngrohjes. Nëse kushtet klimatike mbeten të njëjta, ditëve të ardhshme pritet të nisë furnizimi i jashtëzakonshëm me ngrohje për të gjithë konsumatorët.
“Termokos po përcjell me kujdes të shtuar situatën meteorologjike dhe, në koordinim të ngushtë me KEK-un, jemi në gatishmëri të plotë për të përmbushur misionin tonë”, thuhet në njoftimin e ndërmarrjes.
