Të paktën 69 persona kanë humbur jetën dhe dhjetëra të tjerë janë plagosur pasi një tërmet i fuqishëm me magnitudë 6.9 ballë goditi Filipinet qendrore vonë të martën.
Provinca e Cebusë, e cila pësoi dëmet më të mëdha, shpalli gjendje katastrofe herët të mërkurën, pasi mijëra njerëz kaluan natën në rrugë për shkak të lëkundjeve të përsëritura, raporton BBC.
Një banor i Cebu-s i tha BBC-së se ishte midis tyre, duke shtuar se furnizimi me energji elektrike dhe ujë ishte ndërprerë. Ai thotë se zërat e fëmijëve që qanin mund të dëgjoheshin përreth tij, duke shtuar se ata ishin “të traumatizuar”.
Tërmeti vjen pak më shumë se një javë pasi vendi u godit nga tajfunë të njëpasnjëshëm që vranë më shumë se 20 persona.
Autoritetet lokale kanë bërë thirrje për vullnetarë me përvojë mjekësore për të ndihmuar në përballimin e lëndimeve.
