Korenica në emisionin “InfoNata” në Tëvë1, ka thënë se shtresa që ka më së shumti nevojë në kohë krizash është shtresa sociale dhe për ta Qeveria ju del në ndihmë me çdo masë, mirëpo sipas tij, këto shtresa nuk janë të regjistruara në Trust dhe nuk kanë çfarë të tërheqin.
“Në çdo të hyrë apo në çdo mekanizëm ku mblidhen mjetet ka një arsyeshmëri dhe mënyrë se si ato përdoren, Trusti si i tillë është i formuluar në atë mënyrë që kontributet që mblidhen aty të paguhen në një moshë të shtyrë pas pensionimit. Në këtë drejtim kjo jo detyrimisht na çon nga shtresa sociale që kanë më së shumti nevojë në kohë krizash. Orientimi social demokrat shkon nga ajo që me ju ardh në ndihmë çdo masë të cilën merr qeveria shtresës që ka më pak, në këto rrethana shtresat që kanë më pak janë shtresat e varfëra që nuk janë të regjistruara në Trust dhe nuk kanë se çfarë të tërheqin në Trust”, ka thënë ai.
Ai thotë se Qeveria “Kurti” nuk është kundër kontributit për shtresat në nevojë por sipas tij, kjo qeveri po shikon mundësitë që janë më të favorshme dhe siç u shpreh me një tërheqje të Trustit nuk do t’i ndihmonin kësaj shtrese.
“Mund të bëhet edhe një pako tjetër stimuluese por megjithatë trusti në formën se si është modeluar nuk jep siguri të mëtejshme në kohën kur do të kemi moshën e pensionimit atëherë edhe kur fillojnë të tërheqin na bazën mujore. Nuk është që Qeveria Kurti është kundër stimulimit apo kundër kontributi për shtresat në nevojë por është e kundërta ne po shikojmë mundësitë që janë shumë më të favorshme por me këtë veprim nuk do t’i ndihmonim kësaj shtrese”, tha Korenica. /teve1.info/