Politologia, Arta Tahiri-Beqa e ka quajtur strategji të kalkulimit politik nga ana e presidentes së vendit, Vjosa Osmani, tërheqjen kërkesës së dorëzuar më 22 korrik në Gjykatën Kushtetuese, përmes së cilës kërkonte interpretimin e pasojave juridike në rast të moskonstituimit të Kuvendit brenda afatit 30-ditor.
Sipas Tahiri-Beqajt, përmes këtij veprimi, Osmani dhe kryeministri në detyrë, Albin Kurti po mundohen të fitojnë sa më shumë kohë deri në përfundim të mandatit të presidentes.
“Pse presidentja e dërgoi lëndën në gjykatë dhe tash po tërhiqet me kërkesën për të cilën është absurde të them se nuk ka fakte sepse sigurisht ka, edhe në momentum dy ditë përpara thotë po e tërheqi për çka sigurisht që ka të drejtë ligjore, mirëpo është strategji lehtë e lexuar e kalkulimit politik të dy liderëve të cilët para katër viteve e kanë bërë një koalicion dhe po mundohen ta shtyjnë sa më shumë të jetë e mundur të afrohet ai momentum i datës së presidentes dhe të mendohet se çfarë po bëhet politikisht me këta dy liderë”, ka deklaruar ajo në emisionin “Këndi I Debatit” në Tëvë1.
