Kandidatja e LVV-së për kryetare të Drenasit, Egzona Tërdevci ka deklaruar se gjendja në rrugët e Drenasit është një katrahurë urbane.
Ajo ka akuzuar kryetarin e tanishëm të kësaj komune, Ramiz Lladrovcin i cili sipas saj, nuk i ka rregulluar më herët këto punime të rrugëve.
Ndërsa, prioritet në mandatin e saj si kandidate për kryetare të kësaj komune është uji i pijes. Tërdevci shtoi se mbështetje do të ketë për nënat lehona me një shumë prej 100 euro.
“Gjendja në Drenas është e keqe në teren, aktualisht në Drenas është një katraur vërtetë urbane, një gjendje e keqe me rrugët, rrugët që është dashur të kryhen më herët nuk është në rregull që tani të punohet dhe të bllokohen rrugët kur tani i kemi edhe diasporën. Rrugët që normal janë kaluar për 5 minuta në qytetin e Drenasit, tani bënë të paktën gjysmë ore për shkak të bllokadave që janë bërë. Prioritet i të gjitha prioriteteve është për ne çështja për të cilën kemi evokuar këto katër vite uji i pijes. Më vjen turp që në 2025 qytetarët e Drenasit ende nuk kanë ujë të pijes. Ne e kemi një propozim si Kuvend Komunal prej LVV që të mbështeten me një shumë të njëhershme nënat lehona në vlerë prej 100 euro”, ka deklaruar Tërdevci në emisionin “Ditari” në Tëvë1./teve1.info/
