Policia e Kosovës ka njoftuar se katër persona kanë tentuar të bëjnë disa mashtrime rreth një prone e cila ka vlerën 250 mijë euro në Gjilan.
Lidhur me rastin, tashmë janë arrestuar tre të dyshuar, ndërsa njëri gjendet në arrati.
“Gjilan 19.09.2024, NN. Është raportuar se katër të dyshuar, tre meshkuj dhe një femër kosovarë, kanë tentuar që me dokumente të falsifikuara të bëjnë një kontratë te noteri, autorizim për shitje të një parcele në vlerë rreth 250 mijë euro. Gjatë veprimeve hetimore është arritur të identifikohen dhe të arrestohen tre të dyshuarit dy meshkuj dhe një femër, ndërsa njëri gjendet në arrati”, bëhet e ditur në raport./teve1.info/
