Të hënën do të mbahet edhe një seancë për konstituimin e Kuvendit që do të jetë e 18-ta.
Seanca është paraparë të mbahet nga ora 10:30.
Në 17 seancat a kaluara deputetë nuk kanë votuar për zgjedhjen e kryetarit të Kuvendit.
E propozuara e LVV-së, Albulena Haxhiu po kundërshtohet nga partitë opozitare të legjislaturës së kaluar.
PDK e AAK janë deklaruar se do ta votonin ndonjë kandidat tjetër të propozuar nga Vetëvendosje, kurse LDK ka dhënë qëndrimin e saj se nuk e voton asnjë emër të propozuar nga partia fituese e zgjedhjeve të 9 shkurtit.
Kryesuesi i seancës ka propozuar disa herë edhe votim të fshehtë ,por që nuk është përkrahur formimi i komisionit ad hoc.
PDK, LDK e AAK e kanë vlerësuar këtë propozim në kundërshtim me rregulloren pasi procesi i votimit është nisur i hapur.
Nga LVV kanë thënë se ky propozim nuk është në kundërshtim me rregulloren dhe e kanë arsyetuar se ka deputetë nga partitë opozitare që në votim të fshehtë do ta votonin Haxhiun.
Të enjten është mbajtur edhe një takim i përbashkët i ftuar nga Osmani me partitë politike nga i cili nuk u arrit ndonjë marrëveshje për tejkalimin e krizës./teve1.info/
