Sot nga ora 11:00, për herë të 40-të mbahet seanca për konstituimin e Kuvendit të Kosovës.
Në seancën e kaluar është mbizotëruar debat mes kryesuesit Avni Dehari, dhe tri deputeteve të ish-opozitës.
Ndërkohë, lidhur me ngërçin në Kuvend, presidentja e Kosovës, Vjosa Osmani, do t’i thërrasë liderët e partive politike në takime gjatë ditëve në vijim.
Kështu ka bërë të ditur Bekim Kupina, këshilltar për Media i Presidencës së Kosovës.
“Presidentja e Kosovës, Vjosa Osmani, do t’i thërrasë liderët e partive politike në takime gjatë ditëve në vijim”, ka konfirmuar ai.
Më tej, ai theksoi se presidentja Osmani pret që partitë e përfaqësuara në Kuvend ta zbatojnë Aktgjykimin e Gjykatës Kushtetuese dhe ta përfundojnë seancën konstituive brenda 30 ditësh, siç ka kërkuar Gjykata.
“Nëse paraqitet nevoja, Presidentja mbetet e gatshme t’i drejtohet Gjykatës Kushtetuese për sqarime shtesë”, ka thënë ai./teve1.info/
