Sot do të mbahet tentimi i 29-të për konstituimin e Kuvendit.
Edhe kjo seancë e cila pritet të nis nga ora 11:00, nuk pritet të sjellë ndonjë ndryshim pasi partitë politike nuk kanë ndryshuar qëndrim.
Në rend ditë është zgjedhja e kryeparlamentarit, ku tashmë në dhjetëra seanca nga kryesuesi, Avni Dehari po propozohet votimi i fshehtë, ku formimi i komisionit ad – hoc nuk po merr votat e mjaftueshme.
Ky propozim nga partitë opozitare të legjislaturës së kaluar po kundërshtohet duke e vlerësuar si shkelje të rregullores së punës së Kuvendit.
PDK e AAK i kanë kërkuar Vetëvendosjes që të heq dorë nga kandidatura e Albulena Haxhiut për kryeparlamentare dhe të ketë një emër tjetër si të propozuar.
Ndërsa, nga VV kanë thënë se nuk do të ketë ndërrim të kandidaturës dhe kanë bërë thirrje që e propozuara e tyre të votohet.
