Policia e Kosovës ka njoftuar se të martën në fshatin Junake të Zubin Potokut, janë ndaluar tri automjete transportuese të dyshuara për kontrabandë mallrash.
Gjatë kontrollit thuhet se janë gjetur kryesisht produkte ushqimore, përfshirë mish dhe bulmet, të cilat sipas Policisë po transportoheshin në kushte të palejueshme higjeniko-sanitare dhe të dëmshme për shëndetin e njeriut.
Po ashtu në automjete bëhet e ditur se janë hasur edhe pije alkoolike dhe produkte tjera ushqimore e higjienike.
Lidhur me rastin një person është intervistuar, kurse malli është konfiskuar dhe dërguar në Doganën e Kosovës.
