Real Madrid fitoi dje 5 me 0 në transfertën e Kairat Almati. Federico Valverde nuk luajti asnjë minutë, ndërsa pas sfidës së Champions u raportua për pakënaqësi nga ana e tij.
Përshtypje kishte bërë ndër të tjera nxehja e pjesës së dytë ku Valverde kishte shmangur ushtrimet në grup. Lideri i Realit ka reaguar menjëherë me deklaratë zyrtare.
“Kam lexuar disa artikuj që dëmtojnë reputacionin tim. E di që kam pasur ndeshje të këqija, jam i vetëdijshëm për këtë. Nuk po fshihem dhe përballem me kritikën drejtpërdrejt. Jam vërtet i trishtuar.
Njerëzit mund të thonë shumë gjëra për mua, por në asnjë rrethanë nuk mund të thonë se kam refuzuar të luaj. Kam dhënë gjithçka dhe më shumë për këtë klub, kam luajtur me fraktura, i dëmtuar, dhe nuk jam ankuar kurrë apo kam kërkuar pushim.
Kam një marrëdhënie të mirë me trajnerin, që më bën të ndihem mjaftueshëm i sigurt për t’i thënë se cilën pozicion preferoj në fushë, por gjithmonë, gjithmonë e kam bërë të qartë se jam në dispozicion për të luajtur kudo, në çdo udhëtim dhe në çdo ndeshje.
E kam lënë zemrën dhe shpirtin në këtë klub dhe do të vazhdoj ta bëj këtë, edhe nëse ndonjëherë nuk mjafton apo nuk po luaj siç do të dëshiroja.
Betohem mbi krenarinë time se nuk do të dorëzohem kurrë dhe do të luftoj deri në fund, duke luajtur aty ku jam i nevojshëm”, shkruan Valverde.
