Protesta e studentëve dhe gjimnazistëve para Ministrisë së Arsimit në Tiranë është shoqëruar me tensione, pasi protestuesit kanë goditur godinën me sende të forta, ndërsa Policia e Shtetit është kundërpërgjigjur me ujë dhe gaz lotsjellës.
Përplasjet kanë ndodhur në ditën e katërt të protestës, ku studentë, gjimnazistë dhe qytetarë janë mbledhur për të vazhduar kundërshtimin e tyre dhe kërkesat për dorëheqjen e kryeministrit Edi Rama.
Efektivët e policisë janë pozicionuar para godinës së Ministrisë së Arsimit, ndërsa përdorimi i ujit dhe gazit lotsjellës ka përshkallëzuar situatën.
Protestat në Tiranë janë shoqëruar me incidente edhe gjatë tri ditëve të mëparshme.
