Në Kuvendin Popullor të Serbisë, deputetët e opozitës së djathtë janë ngritur nga ulëset e tyre dhe kanë vrapuar në drejtim të presidentit të Serbisë, Aleksandar Vuçiq, në një përplasje verbale e cila për pak nuk eskaloi në sulm fizik, njofton danas.
Përfaqësuesit e opozitës kanë shpalosur pankartën “Jo kapitullimit” dhe kanë shkëmbyer akuza mes vete duke pyetur se “Kush e tradhtoi Kosovën”. Po ashtu disa deputetë të opozitës vendosën pankarta “Vuçiq , e tradhtove Kosovën”, “Vuçiq, e tradhtove Serbinë”, dhe një pankartë me imazhin e Oliver Ivanoviqit. Opozita e drejtuar nga deputeti Boshko Obradoviq gjithastu ka shpalosur pankarta me mbishkrimet “Kosova është zemra e Serbisë” dhe “Nuk do të heqim dorë nga Kosova”,
Presidenti i Serbisë, Aleksandar Vuçiq, në debatin me opozitën në Kuvend për negociatat me Kosovën, tha se do t’i ftojë sërish partitë të konsultohen për planin franko-gjerman, transmeton teve1.info.
Sa i përket themelimit të Asociacionit të komunave me shumicë serbe, Vuçiq ka thënë se duhet të jetë ajo që është nënshkruar në Bruksel.
“Asociacioni nuk mund të jetë model i ndonjë organizate joqeveritare, duhet të jetë ajo që është nënshkruar në Bruksel”, shtoi ai.
Vuçiq nga foltorja e Kuvendit tha se “nuk ka kapitullim dhe dorëzim të Kosovës”.
— OvoOno (@OvoOnoX) February 2, 2023
