Policia e Kosovës ka bërë thirrje ndaj qytetarëve që të mos shkaktojnë zjarre, për shkak të rrezikut të përgjithshëm nga temperaturat e larta që po mbizotërojnë në vend.
PK ka kërkuar që qytetarët të jenë të kujdesshëm, të shmangin ndezjen e zjarreve dhe të raportojnë apo lajmërojnë autoritetet për çdo person të dyshuar që mund të jetë i përfshirë në raste të tilla të zjarr vënieve.
“Policia e Kosovës do të ndërmerr masa ligjore ndaj të gjithë atyre individëve që në një formë apo tjetër rrezikojnë jetën apo pronën e qytetarëve, qoftë qëllimisht apo përmes pakujdesisë së shfaqur në çfarëdo forme”, thuhet në njoftimin e Policisë së Kosovës.
Tutje, është bërë apel që të gjithë qytetarët, të cilët frekuentojnë zonat malore të rajonit të Pejës, në veçanti Bjeshkët e Nemuna, të kujdesen e të përmbajnë çdo aktivitet që mund të shkaktojë zjarr.
“Apelojmë të gjithё qytetarёt tё cilёt frekuentojnё zonat malore tё rajonit tё Pejёs, e nё veçanit Bjeshkёt e Nemuna qё maksimalisht tё jenё tё kujdesshёm dhe tё pёrmbahen çdo aktivitet qё mund tё shkaktoj zjarre gjatё pёrdorimit si ( shkrepsa, cigare, grilla, zjarre nё natyrё etj)”, thuhet tutje në njoftim./teve1.info/
