Kosova pritet të përfshihet sot vranësira të dendura, të cilat gjatë ditës pritet të zhvillohen më tej duke sjellë reshje shiu, rrebeshe afatshkurtra dhe shkarkesa elektrike.
Sipas parashikimit të Institutit Hidrometeorologjik të Kosovës, në disa zona ekziston mundësia e paraqitjes së breshërit.
Temperaturat do të shënojnë ulje krahasuar me ditët e fundit. Temperaturat minimale do të lëvizin ndërmjet 11 dhe 14 gradë Celsius, ndërsa maksimalet do të arrijnë nga 21 deri në 25 gradë Celsius.
Do të fryjë erë nga drejtimi i verilindjes me shpejtësi prej 1 deri në 10 metra në sekondë.
