Qendra Kombëtare për Menaxhim Kufitar ka përditësuar të dhënat rreth gjendjes në pikat kufitare të Kosovës, në kohën kur fluksi i mërgimtarëve që po vijnë për pushime është në rritje.
Sipas njoftimit zyrtar, pavarësisht temperaturave të larta që kanë arritur deri në 40 gradë Celsius, situata në pikat kufitare po qëndron e qetë, me pritje të vogla dhe qarkullim relativisht të lirë.
Pritjet më të gjata janë regjistruar te pika kufitare Dheu i Bardhë, ku për të hyrë në Kosovë qytetarët po presin nga 10 deri në 15 minuta.
“Në të gjitha pikat e tjera kufitare, qarkullimi po zhvillohet pa vonesa me të gjata se 3 deri në 5 minuta”, thuhet në raportin e përditësuar të Qendrës Kombëtare për Menaxhim Kufitar.
Autoritetet u bëjnë thirrje qytetarëve që para nisjes të informohen për gjendjen në kufi në kohë reale, në mënyrë që të shmangin pikat me pritje më të gjata, si dhe të marrin masa mbrojtëse për shkak të temperaturave të larta.
