Në shenjë proteste ndaj emërimit të aktivistit të Vetëvendosjes, Rilind Gërvalla në postin e drejtorit të RTK1, Sekretari Organizativ i PSD-së, Nol Nushi ka hyrë në studion e këtij mediumi gjatë transmetimit të drejtpërdrejt të lajmeve qendrore.
Kryetari i Partisë Socialdemokrate, Dardan Molliqaj ka publikuar videon në “Facebook”.
“Lajmet e televizionit publik tash e tutje janë lajmet e partisë. Redaksia tash është Qeveria. Policia nuk është më veç në rrugë. Ajo vjen përmes filtrave të censurës. Garanton Rilind Gërvalla, drejtor i televizionit, i deleguar nga Partia-Shtet”, ka shkruar Molliqaj.
“Emërimet partiake nëpër ndërmarrje e agjenci janë bërë pjesë e përditshmërisë. Por, ky nuk është emërimi i radhës. Me këtë emërim pushteti na hyn nëpër shtëpi. Për të na treguar si duhet t’i kuptojmë veprimet e tij. Por, qytetarët tanë e kanë kaluar, dhe nuk do të kthehen me në kohërat e errëta ku jeton ky regjim. Liria do t’i gjejë rrugët e saj”, ka shkruar ai.
