Dogana e Kosovës ka konfiskuar mallra në vlerë rreth 60,000 euro pas një kontroll të papritur të zhvilluar në një subjekt që merrej me shitjen e pajisjeve telefonike.
Kontrolli është realizuar nga Njësitë Antikontrabandë të Doganës së Kosovës, në bashkëpunim me Sektorin e Hetimeve të Departamentit të Policisë Kufitare dhe Drejtoria e Përgjithshme.
“Gjatë këtij kontrolli janë gjetur dhe konfiskuar 120 telefona celularë të markave iPhone dhe Samsung, 5 ora të mençura Apple si dhe disa kufje origjinale Apple. Vlera e përgjithshme e mallit të konfiskuar vlerësohet të jetë rreth 60,000 euro”, thuhet në komunikatën e Doganës.
