Drejtori i Kombëtares së Zvicrës, Pierluigi Tami ka thënë se nuk është i brengosur për Albian Hajdarin.
Ai ka debutuar për Zvicrën, ndërsa së fundi e ka lënë të hapur derën për Kosovën dhe ka pasur një takim me kreun e FFK-së, Agim Ademi.
Megjithatë, edhe dera e Zvicrës është e hapur për Hajdarin.
“Nuk jam i brengosur. Dera është e hapur. Ai tashmë ka luajtur miqësore me ne dhe ishte parashikuar të luante në ndeshje garuese. Ai ende mund të lëvizë sipas rregullave, por nuk jam i brengosur. Murat Yakin ka bërë shumë dhe do të fillojmë të planifikojmë për të menjëherë pas kësaj lëvizjeje”, ka thënë Tami në konferencë për shtyp të hënën.
Hajdari, së fundmi është transferuar te skuadra e Hoffenheimit në Bundesligën e Gjermanisë.
