“Duam libra shqip”, “Kthema adresën”, “Stop pasivizimit selektiv”, “Të shtypur po, të nënshtruar jo” ishin vetëm disa nga mesazhet që shqiptarët e Luginës së Preshevës dhanë përmes protestës të hënën.
Për të marrë pjesë në këtë protestë, morën rrugë edhe mërgimtarët.
Ilir Shaqiri i cili jeton në Gjermani thotë se shqiptarëve po iu shkelen të drejtat elementare.
Njëjtë nga mërgimi për këtë protestë ka ardhur edhe Lulzim Maliqi.
Edhe ai thotë se kjo shtypje sistematike e shqiptarëve nuk duhet te tolerohet.
E që një protestë e tillë do të mbahet, kryetari i komunës së Bujanocit, Arbër Pajaziti thotë se është njoftuar nga mediat.
E pranishme në protestë në vijën e parë ishte kryetarja e Preshevës, Ardita Sinani.
Sipas saj, shqiptarët po diskriminohen në disa mënyra.
Protesta filloi dhe u përmbyll në mënyrë paqësore.
Në sheshin e kësaj komune u panë edhe zyrtarë policor serbë duke përcjellë ngjarjen.
