Të shtunën do të testohet sistemi i Alarmit Publik në Prishtinë.
Kështu bëri të ditur Drejtoria për Siguri dhe Emergjenca në Komunën e Prishtinës, e cila tha se testimi do të bëhet në orën 12:15, me zë të njëtrajtshëm dy herë nga 30 sekonda.
“Të dashur qytetarë të Kryeqytetit,
Ju njoftojmë që testimi i Sistemit të Alarmit Publik në Kryeqytet do të bëhet 📍ditën e shtunë, më datë 22.08.2026, në ora 12:15, me zë të njëtrajtshëm dy herë nga 30 sekonda. ⏰🔊 Qëllimi i këtij testimi është vetëm për t’u siguruar funksionaliteti dhe efektiviteti i pajisjeve në raste emergjente”, thuhet në njoftim.
