Në Bruksel të Belgjikës, studentët shqiptarë, të shtunën kanë organizuar protestë para institucioneve të Bashkimit Evropian, si përgjigje për sulmin terrorist të serbëve ndaj Policisë së Kosovës.
Kështu ka konfirmuar në emisionin “Ditari”, Joni Gjini, student shqiptar në Francë, i cili është njëri nga përfaqësuesit e organizatave studentore shqiptare të Evropës.
“Protesta është organizuar në mënyrë që t’i përgjigjemi sulmit terrorist që ka goditur Kosovën dhe t’i drejtohemi institucioneve të Bashkimit Evropian. Një mesazh të qartë rinia shqiptare është prezent nëpër Evropë, sidomos nga mërgimi. Jemi forcë politike, duam sot të protestojmë në aspektin ku nuk duam të kemi ngjarje sikur një luftë tjetër të zhvillohet”, tha Gjini në Tëvë1.
Studenti shqiptar tha se demonstratat janë studentore dhe kërkojnë mobilizim të të gjithë shqiptarëve në të gjithë Evropën.
Gjini, bëri të ditur se vetëm në Belgjikë janë afërsisht 50 mijë shqiptarë, si dhe pjesëmarrës të tjerë që to t’i bashkohen protestës.
“Numrin se sa janë bashkangjitur është vështirë ta themi, por statistikat zyrtare thonë se janë përafërsisht 40, 50 mijë shqiptarë në Belgjikë, kemi shumë shqiptarë në Francë, Paris, e Strasburg që do të vijnë. Kemi pasur përgjigje edhe nga organizatat tjera studentore mbarë Evropën. Organizata e Gjenevës e ka konfirmuar pjesëmarrjen, ku do të vjen me një autobus prej 80 studentësh në Bruksel”, tha organizatori i protestës.
Për fund, Gjini ka bërë thirrje të gjitha organizatave shqiptare, qofshin a jo studentore që të bashkohen në protestë./teve1.info/
