Të shtëna me armë zjarri janë raportuar mbrëmjen e së enjtes në rrugën “Murat Mehmeti” në Prishtinë. Lajmin e ka konfirmuar zëdhënësi i Policisë për rajonin e Prishtinës, Enis Pllana për Tëvë1.
Sipas Pllanës, incidenti është raportuar rreth orës 21:30, ndërsa nga informacionet e para nuk ka të lënduar.
“Rreth orës 21:30 është raportuar për një gjuajtje me armë zjarri në rrugën ‘Murat Mehmeti’ në Prishtinë. Bazuar në të dhënat fillestare, nuk ka persona të lënduar,” ka deklaruar zëdhënësi i Policisë, Enis Pllana.
Policia e Kosovës ka dalë menjëherë në vendin e ngjarjes dhe ka nisur hetimet për zbardhjen e rastit. Nuk dihet ende motivi i të shtënave apo nëse ka persona të dyshuar të identifikuar.
