Policia ka nisur hetimet pas raportimit për të shtëna me armë zjarri në Mitrovicën e Jugut.
Sipas të dhënave fillestare, në muret e dy banesave janë vërejtur disa vrima shpuese, të cilat dyshohet se janë shkaktuar nga plumbat e armëve të zjarrit. Po ashtu, dyshohet se në incident janë përdorur armë nga dy palë.
Gjatë ekzaminimit të vendit të ngjarjes, policia ka gjetur dhe konfiskuar disa gëzhoja të kalibrave të ndryshëm.
“Është raportuar për disa të shtënave me armë zjarri, policia kanë dalur në vendin e ngjarjes ku kanë vërejtur në mure të dy banesave disa vrima shpuese – që dyshohet se janë nga goditje nga armët e zjarrit dhe dyshohet që gjuajtjet kanë qenë nga dy palë. Në vendin e ngjarjes janë gjetur dhe konfiskuar disa gëzhoja të kalibrave të ndryshëm”, thuhet në raport të policisë.
