Gjuajtje me armë zjarri ka ndodhur sot në lagjen Mati 1 në Prishtinë.
Lajmin për Tëvë1 e ka konfirmua zëdhënësja e Policisë, Flora Ahmeti e cila tha se i dyshuari kishte shtënë në një aheng familjar.
Tutje, ajo tha se ndaj tij kanë filluar procedurat e nevojshme policore.
“Sot rreth orës 12:00, kemi pranuar informatën për të shtëna me armë në lagjen Mati, në Prishtinë. Menjëherë në vendin e ngjarjes kanë dalë zyrtarët policorë të cilët kanë sekuestruar një armë dhe kanë arrestuar personin e dyshuar: -I, S, mashkull, i cili kishte shtënë në një aheng familjar. Ndaj tij kanë filluar procedurat e nevojshme policore. Nisur nga fakti se akoma është prezent si dukuri, përdorimi i armëve të zjarrit në ahengje të ndryshme, strukturat operative rajonale të policisë po vazhdojnë punën për parandalimin e kësaj dukurie. Andaj mbështetur mbi këtë bazë, apelojmë të gjithë qytetarët që tu shmangen veprimeve të tilla për arsye të sigurisë së tyre, sigurisë së të tjerëve dhe ceremonitë festive t’i kalojnë pa ndonjë incident”, ka deklaruar ajo.
