Gjashtë persona janë arrestuar nga Policia e Kosovës në disa qytete gjatë ditës së shtunë, pasi të njëjtit dyshohet se kanë gjuajtur me armë zjarri në ahengje familjare.
Sipas raportit 24-orë të PK-së, në këto raste të evidentuara janë sekuestruar dhe armë zjarri.
Një rast i tillë ka ndodhur edhe në Podujeve, në vendin e ngjarjes përveç 29 gëzhojave të pistoletës janë është gjetur edhe një predhë.
“Është arrestuar i dyshuari mashkull kosovar, nën dyshimin se i njëjti në një aheng familjar kishte shtënë me armë zjarri. Në vendin e ngjarjes janë gjetur 29 gëzhoja të pistoletës, një predhë dhe nëntë(9)gëzhoja të pushkës gjysmë automatike të cilat janë konfiskuar. I dyshuari ka dorëzuar një pistoletë me një karikator dhe një pushkë gjysmë automatike”, thuhet në raport, përcjell teve1.info.
Tri raste me të shtëna me armë zjarri në aheng familjar janë identfikuar në Ferizaj. Në këto tria raste policia ka arrestuar të dyshuarit dhe ka konfiskuar edhe armë zjarri.
Njoftimi për rastet në Ferizaj:
Ferizaj 29.07.2023 – 00:15. Është shoqëruar në stacionin policor i dyshuari mashkull kosovar, nën dyshimin se i njëjti në një aheng familjar kishte shtënë me pistoletë. Pistoleta me pesë fishekë dhe tri gëzhoja janë konfiskuar. Me vendim të prokurorit, rasti procedohet në procedurë të rregullt hetimore.
Ferizaj 29.07.2023-22:30. Është shoqëruar në stacionin policor i dyshuari mashkull kosovar, nën dyshimin se i njëjti në një aheng familjar kishte shtënë me pistoletë. Pistoleta me një karikator dhe dy gëzhoja janë konfiskuar. Me vendim të prokurorit, rasti procedohet në procedurë të rregullt hetimore.
Ferizaj 29.07.2023-23:45. Është shoqëruar në stacionin policor i dyshuari mashkull kosovar nën dyshimin se i njëjti në një aheng familjar kishte shtënë me pistoletë. Pistoleta me një karikator, dy fishekë dhe tri gëzhoja janë konfiskuar. Me vendim të prokurorit, rasti procedohet në procedurë të rregullt hetimore.
Të arrestuar për arsye të njëjtë ka pasur edhe në Istog
“Istog 29.07.2023 – 23:00. Është arrestuar i dyshuari mashkull kosovar nën dyshimin se i njëjti në një aheng familjar kishte shtënë me pistoletë. Pistoleta me karikator të zbrazët si dhe leja e armës janë konfiskuar. Me vendim të prokurorit, rasti procedohet në procedurë të rregullt”, njofton PK.
Edhe në Mitrovicën e Jugut është arrestuar një person për gjuajtje me armë zjarri në aheng familjar.
“Mitrovicë Jugu 29.07.2023-22:22. Është arrestuar i dyshuari kosovar, nën dyshimin se i njëjti në një aheng familjar kishte shtënë me armë zjarri. Në vendin e ngjarjes janë gjetur 14 gëzhoja të pistoletës të cilat janë konfiskuar. I dyshuari i lartcekur në mënyrë vullnetare ka dorëzuar një pistoletë me gas. Me vendim të prokurorit, rasti shkon në procedurë të rregullt”, njofton Policia.
Policia e Kosovës vazhdimisht ka bërë thirrje që të mos ketë përdorim të armëve në ahengje familjare./teve1.info/
