Një person është arrestuar në Pejë, pasi dyshohet se ka shtënë me armë zjarri gjatë një ahengu në rrugën “Brigada Adrian Krasniqi”.
Sipas njoftimit zyrtat, Stacioni Policor në Pejë është njoftuar rreth orës 12:45 për të shtëna me armë në një aheng.
Njësitet policore kanë dalë menjëherë në vendin e ngjarjes, ku kanë takuar të dyshuarin.
Gjatë kontrollit, policia ka sekuestruar një armë të markës Retay, dy gëzhoja dhe një karikator.
I dyshuari është arrestuar dhe është intervistuar nga hetuesit policorë.
Me vendim të prokurorit të shtetit, ai është liruar dhe rasti do të vazhdojë në procedurë të rregullt.
Drejtoria Rajonale e Policisë në Pejë u ka bërë apel qytetarëve që gjatë ahengjeve dhe festimeve të përmbahen nga përdorimi i armëve.
Ndërkohë, Policia ka paralajmëruar se do të ndërmarrë masa ndaj të gjithë personave që përdorin armë në mënyrë të kundërligjshme./teve1.info/
