Një person ka pësuar lëndime trupore pasi në drejtim të tij është gjuajtur me armë zjarri nga një person.
Rasti ka ndodhur në Hajvali në Prishtinë, ka njoftuar Policia e Kosovës.
“Viktima mashkull kosovar ka raportuar se në drejtim të tij është gjuajtur me armë zjarri nga një i dyshuar i cili kishte qenë së bashku me një të dyshuar tjetër të cilët janë larguar nga vendi i ngjarjes me veturë me targa vendore. Si pasojë e gjuajtjes me armë viktima ka pësuar lëndime dhe është dërguar për tretman mjekësor”, thuhet në raportin 24 – orësh.
Në vendin e ngjarjes kanë dalë njësitë relevante të policisë të cilat janë duke e hetuar rastin ku dhe janë gjetur disa gëzhoja të fishekëve, lidhur me rastin është njoftuar prokurori, rasti nën hetime.
