Në dhjetor u shpallën fajtor për terrorizëm.
E të enjten, ata u sollën sërish në Gjykatën Themelore në Prishtinë.
Ndaj të akuzuarve Ardijan Gjuraj, Ergim Syla, Nehrudin Skenderi dhe Mentor Bellaqa, u mbajt një seancë në të cilën u paraqit raporti parandëshkimor nga Shërbimi Sprovues në Prizren dhe Pejë.
Nga raporti i tyre i çuditur u shpreh prokurori i rastit, i cili megjithatë kërkoi dënim maksimal për të akuzuarit.
E mbrojtësit theksuan njëzëri kohën e kaluar të të akuzuarve në paraburgim prej 28 muajsh.
Sipas tyre, të akuzuarit duhet të marrin dënim të butë.
Aktgjykimi me lartësinë e dënimit, do të shpallet të martën.
Syla dhe Gjuraj u gjetën fajtor se në bashkëkryerje kanë kryer veprën penale “Mbajtja në pronësi, kontroll ose posedim të paautorizuar të armëve”.
Skenderi u gjet fajtor për veprën penale “Lehtësimi dhe Financimi në kryerjen e terrorizmit”, kurse Bellaqa për “Mbajtja në pronësi, kontroll ose posedim të paautorizuar të armëve”.
