Ministrja e Industrisë, Ndërmarrësisë, Tregtisë dhe Inovacionit, Mimoza Kusari – Lila ka thënë se synimi i Qeverisë është fuqizimi i kapitalit vendor dhe ujla e deficitit tregtar.
Ajo kështu është shprehur pas një takimi që ka zhvillaur me Nazmi Mehmetaj, kryetar i bordit të Klasterit të Ndërtimeve të Parafabrikuara dhe pronar i Greenhouse, si dhe me drejtoreshën ekzekutive Sytrime Dervisholli, diskutuam rreth këtij sektori i cili po shënon rritje të vazhdueshme.
Ajo ka thënë se Shtëpitë e gatshme prej druri “Made in Kosova” po vazhdojnë të depërtojnë fuqishëm në tregjet ndërkombëtare, por sfidë mbetët mungesa e hapësirave për zhvillim dhe prezantim të produkteve, si demo-parqe apo zona demonstrimi, të cilat do të ndihmonin në zgjerimin edhe më të madh të këtij sektori.
“Fokusi ynë është i qartë, ulja e deficitit tregtar përmes forcimit të prodhimit vendor dhe zhvillimit të industrisë. Zonat ekonomike të gjelbra janë në qendër të këtij vizioni, duke kombinuar prodhimin me qëndrueshmërinë, mbrojtjen e mjedisit dhe riciklimin. Synimi ynë si Qeveri dhe si MINTI, është të fuqizojmë kapitalin vendor, të krijojmë klasterë të qëndrueshëm industrialë dhe të ndërtojmë bashkëpunim të fortë institucional për një të ardhme më të zhvilluar ekonomike”, ka shkruar në Facebook Kusari-Lila./teve1.info/
