Të paktën 70 sudanezë kanë vdekur nga kolera në Khartum gjatë dy ditëve të fundit, njoftoi Ministria e Shëndetësisë së Sudanit të enjten.
Në një deklaratë të cituar nga media lokale Sudanakhbar, ministria tha se autoritetet po punojnë për të ndaluar përhapjen e shpërthimit të kolerës në Khartum dhe zonat përreth, shkruan agjencia Anadoly.
Të mërkurën, u raportuan 942 raste infektimi, përfshirë 25 vdekje, ndërsa një ditë më parë ishin regjistruar 1,177 raste me 45 viktima.
Në gusht të vitit 2024, autoritetet sudaneze shpallën kolerën epidemi kombëtare. Infrastrukturat shëndetësore në Sudan janë dëmtuar rëndë nga lufta civile që ka nisur në prill 2023 mes ushtrisë dhe forcave paraushtarake të Mbështetjes së Shpejtë (RSF).
