Të paktën 41 civilë të tjerë u vranë dhe dhjetëra të tjerë u plagosën në granatimet me artileri nga Forcat paraushtarake të Mbështetjes së Shpejtë (RSF) në El-Fasher, kryeqytetin e Shtetit të Darfurit të Veriut në Sudanin perëndimor, tha të martën ushtria sudaneze.
Gra dhe fëmijë ishin në mesin e viktimave në sulmin që shënjestroi lagjet residenciale në qytet të hënën në mbrëmje.
Ushtria tha se forcat e saj arritën të zmbrapsin sulmin e RSF-së në qytet, duke vrarë 600 militantë dhe duke shkatërruar 25 automjete ushtarake, raporton Anadoly.
Nuk ka pasur ndonjë koment nga grupi rebel mbi deklaratën ushtarake.
Luftimet kanë vazhduar midis forcave të ushtrisë dhe militantëve të RSF-së në El-Fasher që nga e hëna, duke i detyruar kuzhinat e bamirësisë në qytet të ndalojnë shpërndarjen e ushqimit për civilët.
El-Fasher ka parë përleshje vdekjeprurëse midis ushtrisë sudaneze dhe RSF-së që nga maji i vitit 2024, pavarësisht paralajmërimeve ndërkombëtare për rreziqet e luftimeve në qytet, i cili shërben si një qendër për operacionet humanitare në të pesë shtetet e Darfurit.
Që nga 15 prilli 2023, RSF ka luftuar ushtrinë sudaneze për kontrollin e vendit, duke rezultuar në mijëra vdekje dhe një nga krizat më të këqija humanitare në botë.
Më shumë se 20,000 njerëz janë vrarë deri më tani dhe 15 milionë të tjerë janë zhvendosur, sipas OKB-së dhe autoriteteve lokale.
