Izraeli kreu një seri sulmesh ajrore në Rripin e Gazës duke vrarë të paktën 13 persona dhe duke plagosur rreth 20 të tjerë.
Izraeli kreu një seri sulmesh ajrore në Rripin e Gazës gjatë së martës, duke vrarë tre komandantë të lartë të grupit militant të Xhihadit Islamik tha ushtria.
Ndërkohë zyrtarët palestinezë njoftuan se nga këto sulme u vranë 13 persona duke përfshirë komandantët, gratë e tyre, disa nga fëmijët e tyre dhe të tjerë aty pranë.
Mohammad Al-Zeq, banor i qytetit të Gazës rrëfen për momentin kur ndodhi sulmi në ndërtesën pranë shtëpisë së tij.
“Kjo është një ndërtesë banimi që është shtëpia e të gjithë civilëve. Të gjithë banorët e saj janë civilë dhe siç e shihni, janë dy banesa të ngjitura me njëra tjetrën dhe të dyja u shkatërruan. Ky është një shkatërrim i madh. Sulmet ndodhën në orën një të natës kur të gjithë fëmijët dhe gratë ishin në gjumë”, tha ai.
Ndërkohë Ministria palestineze e Shëndetësisë tha se 20 persona u plagosën dhe se ambulancat po vazhdojnë të evakuojnë njerëzit.
Sulmet ajrore erdhën në një kohë të tensioneve në rritje midis Izraelit dhe militantëve në Rripin e Gazës. /Tëvë 1/
