Sot e mërkurë do të mbahet edhe një seancë në përpjekje të konstituimit të Kuvendit.
Seanca e së mërkurës e cila është paraparë të nis në ora 11:00, do të jetë përpjekja e 19-të, e cila duke parë qëndrimet e partive politike që nuk kanë ndryshuar do të ketë fatin e 18-të seancave të kaluara, dështim.
Kryeministri në detyrë, Albin Kurti të martën tha se kandidatja e tyre Albulena Haxhiu nuk do të ndërrohet e cila po kundërshtohet nga opozita.
Në disa seanca është propozuar votim i fshehtë për zgjedhjen e kryetarit nga kryesuesi i seancës, Avni Dehari, gjë e cila siç tha Kurti të martën pritet të propozohet edhe gjatë kësaj seance.
Opozita po kundërshton këtë propozim duke e vlerësuar si shkelje të rregullores.
