Qendra e Menaxhimit Kufitar e Kosovës ka njoftuar se një shoqatë transportuesish nga Maqedonia e Veriut do të organizojë protestë të hënën, duke filluar nga ora 12:00.
Si pasojë e kësaj proteste, pritet të ndalohet qarkullimi i transportuesve të mallrave, ndërsa në Kosovë mund të krijohen kolona të gjata kamionësh në pikat kufitare.
Autoritetet kufitare këshillojnë transportuesit dhe qytetarët të jenë të kujdesshëm dhe të planifikojnë udhëtimet duke marrë parasysh pritjet e mundshme në kufi.
“Protesta do të mbahet në territorin e Republikës së Maqedonisë së Veriut, ndërsa në territorin e Republikës së Kosovës mund të krijohen kolona të gjata kamionësh, të cilët do të presin për të kaluar në territorin e Republikës së Maqedonisë së Veriut”, thuhet në një njoftim. /teve1.info/
