Lidhur me rastin e dhunimit të 11-vjeçares në Prishtinë, Gjykata e Apelit ka anuluar aktvendimet e Gjykatës Themelore të Prishtinës, me të cilat janë hedhur si jo të plotë aktakuzat ndaj pesë të dyshuarve.
Mirëpo në këtë rast, Apeli ka aprovuar si të bazuara ankesat e Prokurorisë Themelore në Prishtinë.
“Gjykata e Apelit ka vlerësuar se aktvendimet e gjykatës së shkallës së parë për hedhjen e aktakuzave, respektivisht propozimit është si rezultat i shkeljeve esenciale të dispozitave të procedurës penale, të cilat shkelje kanë kushtëzuar që aktvendimet ankimor të anulohet dhe çështjet të kthehen në rivendosje”, thuhet në njoftim.
Njëherit, Gjykata e Apelit ka vlerësuar se aktvendimet e gjykatës së shkallës së parë për hedhjen e aktakuzave, është si rezultat i shkeljeve esenciale të dispozitave të procedurës penale.
“Këto shkelje kanë kushtëzuar që aktvendimet ankimore të anulohen dhe çështjet të kthehen në rivendosje”, thuhet tutje në komunikatë.
Sipas tyre, Gjykata e shkallës së parë nuk ka dhënë arsyeje të mjaftueshme ligjore në momentin kur ka hedhur këto aktakuza.
“Respektivisht arsyet të cilat janë dhënë nga gjykata e shkallës së parë për hedhjen e aktakuzave janë të paqarta dhe kundërthënëse në vetvete dhe në kundërshtim me bazën ligjore për hedhjen e aktakuzës”, kanë shkruar ata.
Ndryshe, Prokuroria Themelore në Prishtinë, Departamenti për të Mitur, pas zhvillimit të hetimeve dhe zgjerimit të tyre, mbledhjes dhe analizimit të provave, më 8 dhjetor 2022 kishte ngritur aktakuzë ndaj pesë personave: E.R. dhe Sh.K., (madhor), si dhe ndaj tre të miturve, të përfshirë në rastin i cili ka ndodhur në muajin gusht të vitit 2022, ndaj 11-vjeçares./teve1.info/.
