Agjencia e Menaxhimit Emergjent ka bërë të ditur se gjatë ditës janë regjistruar 36 vatra zjarri, 4 nga to vazhdojnë të jenë ende aktive.
Në një njoftim për media kjo agjenci ka bërë të ditur se 32 vatra zjarri janë lokalizuar .
“Sipas të dhënave të pranuara nga Qendrat Operative 112, gjatë ditës së sotme në nivel vendi janë regjistruar gjithsej 36 vatra zjarri. Nga to, 4 vatra vazhdojnë të jenë aktive, ndërsa 32 vatra janë lokalizuar falë ndërhyrjes së Njësive Profesionale të Zjarrfikësve dhe Shpëtimit. Agjencia apelon tek qytetarët që të shmangin çdo veprim që mund të shkaktojë zjarr, të denoncojnë pranë organeve ligjzbatuese çdo rast të zjarrvënies së qëllimshme dhe të raportojnë rastet emergjente në numrat 112, 193 dhe 192”, thuhet nga AME.
