Konjufca e ka falënderuar Tassoulas për përkrahjen që vendi i tij i ka dhënë Kosovës gjatë gjithë etapave shtet-ndërtuese, si dhe i ka kërkuar thellimin e bashkëpunimit ndër-parlamentar mes dy vendeve.
Kryetari i Parlamentit grek ka siguruar se vendi i tij do të vazhdojë qasjen konstruktive ndaj Kosovës.
ADVERTISEMENT
Dy kryeparlamentarët kanë diskutuar gjithashtu lidhur me zhvillimet globale dhe janë dakorduar se përpjekjet për ruajtjen e paqes duhet të intensifikohen.
Kryeparlamentari grek mbrëmë ka shtruar darkë për homologët e tij, pjesëmarrës në punimet e Asamblesë Parlamentare të Procesit të Bashkëpunimit në Evropën Juglindore, që po mbahen në Greqi./kp
