Kërkesa e presidentes, Vjosa Osmani për pezullimin e tarifave për produktet amerikane ka shkaktuar një përplasje mes Presidencës dhe Qeverisë.
Ish-ambasadori, Sylë Ukshini ka deklaruar se Qeveria në aspektin politik do ta merr parasysh këtë çështje duke e rregulluar me ligj.
“Në aspektin ekonomik unë mendoj se nuk ka shumë impakt për shkak edhe të largësisë dhe mungesës të eksporteve të fuqishëm të Kosovës, por në aspektin politik sigurisht që Qeveria do ta merr parasysh këtë çështje dhe do ta rregullojë me ligj”, ka thënë Ukshini.
Sipas Ukshinit, këto çështje kërkojnë komunikim institucional dhe jo një protagonizëm.
“ Është pak e habitshme si mundet zyra e Presidencës të dërgoi një email pastaj mas dy tre minutave të i drejtohet rrjeteve sociale, unë mendoj se këto çështje kërkojnë një komunikim institucional, një komunikim që nuk ka nevojë për protagonizëm nëse është seriozisht dhe Kosova ka pasur nevojë shumë herë një qartësi pozicioni p.sh ka qenë çështje e Manastirit, çështja e Urës dhe presidentja është struk. Mendoj që është shqetësim i mungesës së vëmendjes, për ta rikthyer vëmendjen për të thënë që unë jam këtu dhe ndoshta për të rikthyer vëmendjen te opozita përkatësisht te Lumir Abdixhiku në fakt i ka meritat kryesore krahas LVV-së”, ka deklaruar Ukshini në emisionin “Ditari” në tëvë1.
Ndryshe, formimi i Qeverisë sipas Ukshinit nuk do të jetë i lehtë, ngase siç tha ai Kosova mund të shkojë në zgjedhje të reja.
“Gjasat po duken se formimi i Qeverisë nuk do të jetë i lehtë dhe kam përshtypjen që mbase më shumë kemi gjasa të shkojmë në zgjedhje të reja se sa të kemi një qeveri sepse Kurti do ta ketë të vështirë. Opozita nuk ka treguar fuqi nuk ka treguar karakter në kuptimin e një lloj identiteti një lloj dëshire për të marrë ka njëlloj hezitimi sepse Kosova është para një sfide të jashtëzakonshëm është marrëveshja e Ohrit, çështja e Asociacionit….”, ka shtuar ai ndër të tjera./teve1.info/
