Pas Granit Xhakës, edhe një futbollist tjetër shqiptar mund të transferohet te skuadra e Milanit gjatë kësaj vere.
Bëhet fjalë për mesfushorin Ardon Jashari, i cili është ndër më të kërkuarit në Evropë pasi interesim për shërbimet e tij, kanë shfaqur edhe Manchester City, Manchester Unitedi, Paris Saint-Germaini, Juventusi e Borussia Dortmundi.
Thuhet se Milani tashmë ka bërë ofertë zyrtare për 22-vjeçarin, që është pjesë e Brugget dhe ka kontratë me ekipin belg deri në vitin 2029.
Milani ka ofruar 30 milionë euro me bonuse dhe është në negociata me Bruggen, ekip që ka caktuar çmimin prej 45 milionë eurosh për Jasharin.
Jashari vlerësohet ndër mesfushorët më të talentuar në Evropë kurse Milani po insiston në transferimin e tij dhe marrëveshja mund të arrihet deri në fund të afatit kalimtar.
Jashari vitin e shkuar u transferua te Brugge dhe në sezonin e tij të parë, shënoi 4 gola dhe bëri 6 asistime në të gjitha garat.
