Igli Tare do të jetë drejtori sportiv i Milanit pasi palët kanë arritur marrëveshjen, e cila do të bëhet zyrtare me të përfunduar sezoni aktual.
Tare është pajtuar me kushtet e ofruara dhe me Milanin do të firmos kontratë trevjeçare, ndërsa menjëherë do ta nis punën në rindërtimin e ekipit.
Fillimisht, Tare do ta marrë trajnerin pas largimit të portugezit Sergio Conceicao dhe tashmë ka emrat për zëvendësimin e tij.
Vincenzo Italiano dhe Massimiliano Allegri janë emrat e përzgjedhur nga Tare dhe njëri prej tyre do të jetë në krye të Milanit prej sezonit të ardhshëm.
Italiano, aktualisht është trajner i Bolognas, ekip me të cilin triumfoi në Kupën e Italisë kurse Allegri është i papunë.
