Kreu i Aleancës për Shqiptarët, Arben Taravari, njoftoi sot pas një takimi me strukturat partiake se partia ka vendosur të kalojë në opozitë.
“Vendosëm të shkojmë në opozitë. Kemi vendosur të kthehemi tek qytetari,” deklaroi Taravari, duke theksuar se prioritet i tyre tashmë do të jetë rikthimi i besimit të qytetarëve.
Taravari tha se megjithëse në zgjedhjet e fundit sollën ndryshim, ai nuk ishte në përputhje me atë që ishte premtuar. Ai shpjegoi gjithashtu se vendimi për të dalë me lista të veçanta për këshilltarë në zgjedhjet lokale nuk gjeti mirëkuptim nga partnerët e tjerë të koalicionit VLEN. /SHENJA/
