Ish-komandanti i UÇK-së në Rahovec, Ismet Tara, ka nisur të hënën dëshminë e tij në Hagë – ku edhe pati tensione pasi i njëjti nuk ka pranuar të përgjigjet në pyetjet e Zyrës së Prokurorit të Specializuar derisa kjo zyrë të shfaqë në gjykatore një dokument në të cilin dëshmitari pretendon se deklaratat e tij janë manipuluar nga hetuesit.
Avokati, Taulant Hodaj ka thënë se në lidhje me ndikimin e deklaratës së tij mbetet për tu parë në ditët në vijim se a do të këtë ndikim pozitiv apo negativ.
Tutje, ai tha se sipas procedurave për çdo mospërgjigje Tara mund të dënohet nga 250 euro deri në 30 ditë burgim.
“Këto situatë janë të rralla që ndodhin në gjykatë dhe tani nuk dihet se si ka dëshmuar në vitin 2019 në mënyre që të bëhet një vlerësim nëse i shkon në favor ose disfavor të akuzuarve. Kjo mbetet të shihet sepse në ditët në vijim do të kenë rastin edhe avokatet e mbrojtjes që të pyesin këtë dëshmitar dhe të shohin se çfarë do të jep përgjigje. Besoj që në ditët në vije do t’i caktohet një avokat… Nuk e dimë edhe ndikimin që mund ta ketë në proces… Po ashtu siç i tha edhe gjykatësi konform rregullave të procedurës, ndërsa në raste tjera gjyqtari mund të jep urdhër me gojë siç i dha dhe nëse nuk e respekton urdhrin mund të vazhdojë ta dënojë të njëjtin me nga 250 euro për çdo mospërgjigje të pyetjes dhe pastaj edhe me burg deri në 30 ditë”, ka deklaruar ai në emisionin “Info Nata” në Tëvë1.
