Lajmin për takimin e ka bërë të ditur Abazoviq përmes rrjetit social “Twitter” ku tregoi se kanë biseduar për konkretizimin e projekteve me interes të përbashkët në ekonomi e transport.
“Detyra e përbashkët e Malit të Zi dhe Republikës së Kosovës është që në periudhën e ardhshme të konkretizojnë projekte me interes të përbashkët në fushën e ekonomisë dhe transportit. Ishte kënaqësi të bisedoja sot me Presidenten e Kosovës, Vjosa Osmani, në Budva”, shkroi ai.
Zajednički zadatak Crne Gore i Republike Kosovo je da se u narednom periodu konkretizuju projekti od zajedničkog interesa u oblasti ekonomije i saobraćaja. Danas mi je bilo zadovoljstvo o tome razgovarati sa predsjednicom 🇽🇰 @VjosaOsmaniPRKS, na marginama SEE|DEM u Budvi. pic.twitter.com/P7rH46EZoR
— Dr Dritan Abazovic (@DritanAbazovic) May 30, 2022
Ndryshe, të hënën Osmani, ka folur për demarkacionin me Malin e Zi, në Samitin e Demokracisë të Evropës Juglindore me temën “Lufta në Evropë: Ndikimi në Ballkan”, që ka nisur të hënën në Mal të Zi.
Ajo ka thënë se kufiri me Malin e Zi nuk është më çështje që duhet të merren politikanët, por ekspertët.
Osmani ka thënë se politikanët e kanë përfunduar punën e tyre duke ratifikuar dokumentet.
“Politikanët nuk do të flasin më, ekspertët do të krijojnë një komision të përbashkët për të vendosur kufirin. Tashmë u takon ekspertëve që të vazhdojnë punën, jo politikanëve që e përfunduan punën duke ratifikuar dokumentet”, tha Osmani./teve1.info/
