Kryeministri i Kosovës, Albin Kurti, është në takim me emisarin gjerman për Ballkanin Perëndimor, Manuel Sarrazin.
Kështu ka bërë të ditur, gazetarja e Tëvë 1, Fetije Kamberi, e cila po qëndron në objektin e Qeverisë së Kosovës, aty ku flamujt janë ulur në gjysmë-shtizë për nder të policit të vrarë, Afrim Bunjaku.
Kamberi tha se takimi ka nisur nga ora 10:00 dhe që i njëjti nuk ka përfunduar ende.
Sarrazin ka ardhur në Kosovë, për shkak të situatës së tensionuar në veri.
Të dielën në orët e para të mëngjesit në fshatin Banjskë të Zveçanit është sulmuar Policia e Kosovës nga një grup i armatosur, ku një polic është vrarë, një është plagosur e një tjetër është lënduar.
Institucionet e Kosovës kanë reaguar për rastin, ku të njëjtin e kanë cilësuar sulm terrorist./teve1.info/
